माहूर:- ईस्लाम धर्माचे संस्थापक प्रेषित मोहम्मद पैगंबर यांच्याबद्दल अपमानास्पद वक्तव्य केल्या प्रकरणी भाजप प्रवक्त्या नुपूर शर्मा यांच्या विरुद्ध माहूर पोलिसात गुन्हा दाखल करा,नुपूर शर्मा ला अटक करा या मागणी साठी आज दिनांक १० जून शुक्रवार रोजी शहरातील व्यापार पेठ बंद ठेऊन निषेध व्यक्त करण्यात आला. व शुक्रवार ची नमाज संपन्न झाल्या नंतर तहसीलदार यांना निवेदन देऊन बंद शांततेत पार पडले.
भारतीय जनता पक्षाच्या प्रवक्त्या नुपूर शर्मा यांनी मोहम्मद पैगंबर यांच्याबाबत वादग्रस्त वक्तव्य केलं होतं. या वक्तव्यांचे गंभीर परिणाम आखाती देशात पाहायला मिळाले. त्यानंतर भारतात विविध ठिकाणी नुपूर शर्मा यांच्या विरोधात आंदोलन करण्यात आली.भारतीय जनता पार्टीने सुद्धा सर्व परिस्थिती पाहता पक्षाच्या प्रवक्त्या नुपुर शर्मा यांची हकालपट्टी केली आहे.मात्र आता हे प्रकरण शांत होण्यास तयार नसून अनेक ठिकाणी नुपूर शर्मा यांच्या विरोधात आंदोलने सुरू आहेत. माहूर शहरात ही सर्व मुस्लिम बांधवांनी आज दिनांक १० जून शुक्रवारी एकत्र येत नुपूर शर्मा यांच्या वक्तव्याचा निषेध केला. नुपूर शर्मा वर कायदेशीर कारवाई करायची मागणी मुस्लिम बांधवांनी निवेदनात केली आहे. नुपूर शर्मा यांनी केलेल्या वक्तव्याविरोधात आणि तिच्यावर कायदेशीर कारवाई करावी या करीता माहूर शहर बंद चे आवाहन मुस्लिम बांधवाना तर्फे करण्यात आले होते.या आवाहना ला माहूर शहरात शत प्रतिशद प्रतिसाद मिळाला.व्यापाऱ्यांनी स्वयं स्पूर्तीने आपली दुकाने बंद ठेऊन पुकारलेल्या बंद मध्ये सहभाग नोंदविला.या वेळी माहूर पोलीस ठाण्याचे पोलिस निरीक्षक नामदेव रिठ्ठे यांनी चोक पोलीस बंदोबस्त ठेवला होता.
