माहूर:- गोरगरीब व सर्वसामान्य जनतेच्या आरोग्याची काळजी घेण्याची आदिवासी बहुल माहूर किनवट मांडवी भागात आरोग्य विभागाकडून होणारी शिबिरे ही अत्यंत उपयुक्त असून आरोग्य शिबिर ही या भागाची गरज असल्याचे मत आमदार भीमराव केराम यांनी व्यक्त केले.
राष्ट्रीय आरोग्य अभियान अंतर्गत माहूर तालुका व परिसरातील सर्व गरीब व गरजू रुग्णा साठी भव्य मोफत वैद्यकीय व दंत शिबिराचे आयोजन माहूर येथील ग्रामीण रुग्णालय करण्यात आले आहे.आज दिनांक २२ रोजी या शिबिराचे उद्घाटन या विभागाचे आमदार भीमराव केराम यांच्या हस्ते तर जिल्हा शल्य चिकित्सक डॉ.भोसीकर,तहसीलदार किशोर यादव,मुख्याधिकारी राजकुमार राठोड, शिवसेना क्षेत्र प्रमुख ज्योतिबा खराटे,जिल्हा परिषदेचे माजी उपाध्यक्ष समाधान जाधव,आरोग्य सभापती विजय कामटकर, रुग्ण कल्याण समिती चे किशन राठोड,नंदू संतान अनिल वाघमारे,डॉ. अंसारोद्दीन ,तालुका आरोग्य अधिकारी डॉ.आशिष पवार,प्रा. भगवान राव जोगदंड सर, यांच्या सह अनेक मान्यवरांच्या उपस्थिती मध्ये संपन्न झाले.या वेळी तालुक्यातील व तालुक्या बाहेरील शेकडो तपासणीसाठी नोंदणी केली आहे.
या शिबिरा अंतर्गत स्कील मिक्स सेवे अंतर्गत आरोग्य सेवेतील श्री गोबिंद सिंघ जी स्मारक,जिल्हा रुग्णायात नांदेड येथील सर्व विशेष तज्ञ डॉक्टर्स दिनाक २३ रोजी तपासणी साठी माहूर च्या ग्रामीण रुग्णालय मध्ये शिबिराच्या ठिकाणी उपस्थित राहणार आहेत.शिबिरात हायड्रोसिल (अंड वृद्धी), हरणीया, अपेंडीक्स,शरीरावरील सर्व गाठीचे शस्त्रक्रिया व दंत चिकित्सा औषध उपचार मोफत करण्यात येणार आहे.३५ वर्षांवरील सर्व महिलांचे गर्भाशयमुख व स्तन कॅन्सर तपासणी व उपचार, मानसिक आजार व तपासणी उपचार, दंत चिकित्सा व उपचार,उच्च रक्तदाब,सुगर चिकित्सा केली जाणार आहे.या सह रुग्णांचे एक्सरे, ई सी जी, सोनिग्रोफी,व रक्त तपासणी व ऑपरेशन साठी लागणारे साहित्य औषध उपचार व मोफत करण्यात येणार आहे.शस्त्रक्रिया गृह हे सुसज्ज व सोईयुक्त असून येथे ऑपरेशन थिएटर मध्ये नांदेड जिल्ह्यातील नामांकित सर्जन व भूलतज्ञांच्या देख रेखिखाली शस्त्रक्रिया करण्यात येईल. ऑपरेशनसाठी लागणारे साहित्य व औषध उपचार मोफत करण्यात येणार असल्याने रुग्णांनी या शिबिराचा लाभ घ्यावा असे अहवान प्रास्ताविकातून डॉ.भोसीकर यांनी केले. संचालन एस.एस पाटील यांनी तर आभार डॉ.व्ही.एन.भोसले यांनी मानले.
